Galti Ka Ahsaas

Mama ji main collage ja rahi hun, samaira ne awaz lagate huye kaha, thik hai lekin jaldi wapas ana kahin ruk nahi jana mami ne kaha, samaira thodi hi door pahunchti hai use ek ladka dikhai deta hai aur wo use dekhne lagti hai tabhi ek zor ki awaz hoti hai dhaad aur samaira zameen par padi hoti hai uska accident ho jata hai aur wo us aadmi par baras rahi jisse takrayi thi, kya bhaiyya dikhai nahi deta hai kya? are bahen ji ek to galti khud ho karti aur gussa mujhpe hoti ho, what bahen ji? bahen ji hogi tumhari bahen bade aye bahen ji waale oye ja kahan rahe ho pahle mera nuksan bharo samaira chillayi, meri galti nahi hai isliye mai paise nahi dunga ye kah kar wo aadmi chala gaya aur samaira dekhti rahgayi dusri taraf ayaz khada sara sara tamasha dekh raha tha, samaira collage chali jati hai class atend karne ke wo liberary jati hai kuch der bad wahan ayaz bhi ata hai, are aap yahan? samaira ko dekh kar kahta hai, tum...tum wahi ho na jo mujhe dekh kar hans rahe the? mera peecha karte huye yahan tak agaye, han main wahi hun lekin aapka peecha nahi kar raha hun, main bhi isi collage mein padhta hun, agar aapko eitraz na ho kya main yahan baith sakta hun? ji bilkul baithiye mujhse puchne ki kya zaroorat hai, aapka accident kaise hua? ji uski wajah aap hi hain, wo kaise bhala usne hairat se pucha, aur nahi to kya main to acchi bhali ja rahi thi achanak aap par nazar padi aur accident ho gaya, donon isi tarha kaafi der baatein karte rahe aur phir chale gaye, ye silsila kafi dinon tak chalta raha aur donon acche dost ban chuke the, aaj bhi donon roz ki tarha hi mile the samaira aaj collage ke baad coffee peene chalte hain ayaz ne kaha, abhi? liberary bhi to jana hai aur main ghar pe bhi kuch bolke nahi ayi hun, are liberary to roz jaate hi hai aaj coffee peene chalte hain don't worry late nahi hogi i promiss, okay, donon chal padte hain coffee peene ke dauran baat karte karte ayaz nein samaira ke kareeb aane ki koshish kari jo samaira ko acchi nahi lagi aur usnein zor daar thappad lagaya bina kuch bole uth kar chali gayi, kya hua samaira kuch bujhi bujhi si lag rahi ho? mama mami nein pucha kuch khaas nahi bas thodi thakan hai kah kar apne kamre mein chali gayi, samaira ke mama mami ke koi bcche nahi the, ek car accident mein samaira ke parents death ho gayi thi aur uske chacha chachi nein 8 saal ki umar mein use ghar se nikaal diya tha tabse uske mama mami ne use bade laad pyar se paala hai, samaira ki mami uske kamre mein ati hain, kya hua beta koi to baat hai isse pahle tumhe itna pareshan nahi dekha? koi baat nahi hai agar hoti to main aapko zaroor batati, to phir chalo khana khao chalke, mami nein kaha aur wo chale gayi, roz ki tarha samaira liberary mein baithi thi ki usko ek awaz sunayi deti hai wo darwze ki dekhti hai to use ayaz dikhai deta hai ayaz uske pass ata hai, samaira kal jo bhi hua pleas uke liye mujhe maaf kardo mera aisa koi irada nahi tha, tumhari harkat maaf karne waali nahi hai kyunki tumnein jo kiya bahut galat tha samaira nein kaha, i know isi liye maafi maang raha hun dubara ayesa nai hoga accha chalo tumhein jo saza deni ho dedo uske baad maaf kardena ayaz minnate kar raha tha, thik hai maaf kiya lekin ye pahli aur aakhri baar hai, thank you samaira abhi mujhe kuch kaam hai chalta hun baad mein milunga bye, okay bye samaira nein kaha, aakhir ek din ayaz ke parents donon ko ek sath dekh lete hai aur ayaz se samaira ke baare mein puchte hain jab unko pata chalta hai ki samaira unke dushman ki ladki hai to gusse se unke chahre laal ho jaate hain aur wo ayaz ko usse milne se mana karte hain lekin ayaz zid pe adh jata hai, dushmani aap logon ki thi meri nahi hai aur wayese bhi jo kuch bhi hua ismein uski koi galti nahi thi agar aap log maante ho to thik hai warna main ye ghar chodh ke ja raha hun ab faisla aap logon ko karna hai han ya na, kaafi bahes ke baad wo og maan jate hain aur samaira ke mama mami se milne ko kahte hain, jab samaira ke mama mami ko ye baat pata chalti hai to wo samaira ko samjhate hain ki ye log wahi hain jinhon nein tumhe 8 saal ki umar mein ghar se nikaal diya tha, han main maanti hun unhon nein galat kiya lekin agar kisi ko apni galti ka ahsaas ho jaye aur wo maafi Maange to use maaf kardena chahiye, magar wo log nahi maante hain samaira gusse mein apni gaadi lekar chali jaati hai thodi hi door pe uska accident ho jata hai, hello mr ayaz? ji han lekin aap kon? main hospital se bol raha hun miss samaira ka accident ho gaya hai unke monile par pahla number aapka tha to call kardi, okay main abhi ata hun, Ayaz hospital pahunchta hai wahan jake uske pairon tale zameen khisak jaati hai kyunki samaira ki memory loss ho jaati hai aur wo ayaz ko pahchanne se mana kar deti hai, peeche se mama mami pahunchte hai samaira unko bhi nahi pahchanti hai to sab pareshan ho jaate hain kaafi koshishon ke baad bhi use kuch nahi yaad ata hai, kuch din baad samaira dischage ho jaati hai aur mama mami usko apne aathe le jaate hain, is tarha samaira aur ayaz ek dusre ko kho dete hain hamesha hamesha ke liye, zindagi sirf paane ka naam nahin khonein ka naam bhi hai

Thanks Gunjan Didi

Timsi subha se hi bahut khush thi aaj sab milkar emyuzment paark ghumne ja rahe the, sabne sundar kapde pahne the, papa ne camera sath rakh liya tha, raaste bhar timsi car ki khidki kholti phir hawa lagte hi band kar deti, maare khushi ke use kuch samajh hi nahi araha tha ki kya kare, sath chalti caaron se age nikalne ki zid papa se kar rahi thi, jaldi se jaldi wo jhulon tak phuchna chahti thi, sab uski or dekr dhime dhime muskura rahe the, wahan phunchte hi unho ne dekha teen bade-bade jhule ekdam naye lage hain, maze ki baat to ye thi kikuch mahngi zaroor thi per ek hi ticket par teeno naye jhule jhul sakte the mammi papa se sare jhule ki zid karne ki naubat hi nahi ayi, timsi ke mausi ke bete ritik ko jhule se dar lagta tha wo door khada hokar dekh raha tha, tez chalte jhule se shaitan timsi use angutha dikha dikha kar chidati ja rahi thi, timsi ko kuch kah nahi sakta tha, jhule se utarkar timsi ne dekha ki ritik gussa dikhane ke liye 6 ki 6 chocolate kha li usne mausi se shikayat ki, unho ne usi waqt timsi aur gunjan didi ko ek ek chocolate dila di, paani me ek jhatke se girti naav wale jhule me jhulne ki timsi ki zid ke aage kisi ki ek na chali, timsi pahle ek lambi line me lagi rhai, phir number aane par us jhule me baithi, jab naav paani ki or badhi to timsi ko andaza ho gaya tha ki ab kapde zaroor bhigenge, aur hua bhi wahi, jhule ka sara maza kharab ho gaya, upae se mammi ne gili jeans ko chu kar dekha phir jo dantana shuru kiya to bas chup nahi ho rahi thi, ritik ne ek idea sujhaya aanti ise maary go round jhule ka ticket le dijiye usme tez hawa lagegi to kapde jaldi sukh jayege, timsi ne ritik ki taraf hairan hokar dekha, phir turant boli mammi ritik ki baat maan lo na pleas last iske baad nahi kahungi, meri go round me gunjan didi bhi timsi ke saath chali gayi khub maze se dono ne khi khi haste hue jhulo ka anand liya mammi mausi papa ritik sabne samne staal se tab tak chaat khai, timsi ka dhyaan jhulte hue bhi unhi ki or tha, jhule se utarte hi boli mammi me aur didi chaumin khayenge, chaumin ke sath mashrum soup pite hue bhi timsi ritik ko kuch na kuch kehte hue tang karti rahi, timsi idhar dekho plate ki or dekh kar khao thande hone ke baad chaumin bilkul bhi achi nahi lagegi gunjan didi ne timsi ka gaal apni or ghumakar kar kaha, didi kitna acha ho chaumin ka saath jhule free me ho hum jhule me hi bethe rahe aur chaumin ki plate wahi pahuch jaye, aha, hawa me lahrate hue khane ka kitna maza ayega, aur emyuzment paark me akar jo jhulo se darein unhe kuch khaane ko bhi nahi milna chahiye timsi ne ritik ko chedte hue kaha dinbhar sabne kitni masti ki, iska to koi hisaab hi nahi waapas ghar lautte hue bhi bahut khush thi, gunjan didi ritik mammi aur mausi sabne milkar khub gaane gaaye, raste me bangali sweet se kulfi aur aalu ki tikiya khai, timsi ne rembo bag kharida aur paanch merri go round waale key chane bhi kharide, apni saheliyo ko dene ke liye gunjan didi ne ek kitaab kharidi mammi ne ritik ko ek t-shirt kharidkar di kyonki usne jhule nahi jhule the, ghar pahuchte pahuchte kafi der ho gayi thi, mammi ne timsi se agle din school ki tayyari karne ko kaha timsi ne uniform ke saath tie aur ek saaf hanky rakh liya schho bag set karne lagi, to yaad aya ki kal haath se bani to haath se bani koi craft ki chiz lekar jaani hai, bus sare din ki masti chinta me badal gayi, magar timsi ne dant padhne ke dar se kisi ko kuch nahi bataya, khane ki table par sahmi si timsi ko dekh kar gunjan didi se saha na gaya unhone zor dekar pucha to timsi ne roni surat banakar dhire se such bataya, didi mammi ko pata lagega to datengi, sue gunjan didi par bharosa tha saari baat batadi, didi ne kaha bas itni si baat saare din ki masti ka kachumar kar diya, dekho chah puranei cd kuch picture scisors chipkane wala ingrediants les aur baaaki saman kitchen me ek kone me rakh de, sab khana kha chukenge to hum dono kitcen me hi photo frame tayyar karenge, timsi ne didi ki baat suni to khushi se phir chahakne lagi wo hasi thatha hone lagi sari chinta jaisi palbhar me hi dur ho gayi thi, didi ka bataya saara saman usne kitchen me microwave ke paas rakh diya tha, saare din ki thakawat ke karan khana khane ke baad timsi ko nind ane lagi, gunjan didi ne use dekha to pyaar se chikoti kati, aur use kitchen ki taraf le chali bas dekhte hi dekhte didi ne 6 cd ko apas me ek kee upar ek rakhte hue chipkaya, family photi cd se kuch chote shape me kaate, unhe cd par chipkaya, cd ke kinaro par les chipkayi, piche ek mote dhaage ka loop lagaya, tayyar ho gaya sundar phota frame, phir is photo frame ko ek paper me lapetkar rakh diya, subah school me jab teacher ne timsi ka craft work dekha to puri claas se taliya bajwayi, kyonki wo sabse kam kimat me bana tha, sabse sundar timsi ka hi craft work tha, dophar ko ghar akar timsi ne khushi ke aasuon ke saath chumte hue kaha didi mam ko photo frame itna pasand aya ki sab bacho se taliya bajwayi, wo taliyaa apke liye baji thi, apke karan mujhe bhi wah wahi mili thank you gunjan didi